Бүгін Ш.Уәлиханов атындағы университетте «Ұстазға тағзым» тақырыбына арналған халықаралық ғылыми-тәжірибелік конференция өтті. Физика-математика факультетінің 60 жылдық мерейтойы аясында ұйымдастырылған шара түлектер, ғалымдар мен ұстаздардың басын қосып, білім саласындағы өзекті мәселелерді талқылады.
Конференцияның негізгі бөлігі «Білім берудің заманауи мәселелері: тенденциялар, шешімдер және даму перспективалары» тақырыбына арналған секция болды. Бүгінде табысты ұстаз-ғалым атанған факультет түлектері студенттік жылдардағы естеліктерімен бөлісіп, табыстары туралы әңгімелеп, олардың кәсіби шыңдалуына үлес қосқан тәлімгерлеріне алғыстарын білдірді.
«Ұстазға тағзым» тақырыбы ұстаздық мамандықты құрметтеудің маңыздылығын, оның әрбір адамның өміріндегі рөлін атап өткен шараның өзегіне айналды. Түлектер сабақ беріп қана қоймай, үлгі тұтып, болашақ жетістіктерінің іргетасын қалаған ұстаздарды жылы лебізімен еске алды.
Физика-математика факультетін мерейтойымен құттықтаймыз және барлық қатысушыларды белсенді қатысқандары үшін алғыс айтамыз!
