Бүгін Ш.Уалиханов атындағы Көкшетау университетінде университеттің 60 жылдық меройтойына арналған «Шоқан оқулары-26: аймақпен өзара әрекеттесу мәнмәтінінде Қазақстан ғылымының даму векторлары» атты халықаралық ғылыми-практикалық конференция өтті.
Конференцияның ашылу салтанатында университеттің ректоры Марат Қадірұлы жиналған қауымды ғылым айына сәйкес келген Ш.Уалихановтың 150 жылдық мерейтойымен құттықтады.
Конференцияға филология ғылымдарының кандидаты, А.Байтұрсынов атындағы тіл білімі институтының директоры Фазылжанова Анар Мұратқызы; Astana IT университетінің деканы Құмалақов Болатжан Амренұлы; PhD докторы, Стамбул университетінің түркітану зерттеулер институтының приват-доценті Арслан Айна Аскероглу; медицина ғылымдарының кандидаты, И.И.Мечников атындағы Солтүстік-батыс мемлекеттік медицина университеті офтальмология кафедрасының доценті (Санкт-Петербург қ.) Зумбулидзе Наталия Гурамовна; халықаралық құқық бойынша философия докторы, KIMEP университетінің профессоры Құсайын Әсет Серікұлы, сондай-ақ университет ұжымы мен студенттер қатысты.
Салтанатты жиында университеттің дамуына қосқан үлестері үшін оқу ордамыздың бірнеше қызметкерлері ақшалай және бағалы сыйлықтармен марапатталды.
Атап айтсақ, 70 жылдық мерейтойына орай медицина ғылымдарының докторы, Жоғары медицина мектебінің хирургиялық пәндер кафедрасының меңгерушісі Аяғанов Серік Әкпенұлы ақшалай сертификат және ноутбукпен;
Қазақстан Республикасының ауыл шаруашылығын дамытуға қосқан жеке үлесі, ғылыми қызметінің жоғары нәтижелері үшін биология ғылымдарының докторы, «Ауыл шаруашылығы және ресурстар» кафедрасының профессоры Хусайынов Әбілжан Тоқанұлы «Ауыл шаруашылығының үздігі» төсбелгісімен;
Агроөнеркәсіп кешенін, тұқым шаруашылығын дамытуға қосқан елеулі үлесі үшін ауыл шаруашылығы ғылымдарының докторы, ауыл шаруашылығы және биоресурстар кафедрасының профессоры Сағалбеков Уалихан Малғаждарұлы «Ауыл шаруашылығының үздігі» төсбелгісімен;
Жоғары білікті кадрларды даярлаудың және ғылымды дамытудың жоғары көрсеткіштері үшін ауыл шаруашылығы ғылымдарының кандидаты, ауыл шаруашылығы және биоресурстар кафедрасының қауымдастырылған профессоры Сыздықова Гүлсім Ташкенқызы мен PhD докторы, «Инженерлік технологиялар және көлік» кафедрасының меңгерушісі Қақабаев Нұрбол Аязбайұлы Қазақстан Республикасы Білім және ғылым министрінің Құрмет грамотасымен марапатталды.
Сонымен қатар, Ualikhanov University мен А.Байтұрсынов атындағы Тіл білімі институтымен екіжақтық ынтымақтастық туралы Меморандумға қол қойылды.
Күннің екінші жартысы білім; жаратылыстану ғылымдары; инжиниринг және технология; медицина және денсаулық сақтау; ауыл шаруашылығы және ветеринария ғылымдары; әлеуметтік және гуманитарлық ғылымдар, өнер және қызметтер бағыттары бойынша секция отырыстарымен жалғасты.
Жиын қорытындысы бойынша қарар қабылданып, үздік баяндама жеңімпаздары сертификаттармен марапатталды.
