2022 жылдың 25 сәуірі күні Ш.Уалиханов атындағы Көкшетау университетінде Ualikhanov University клубтарының галереясы өтті.
Іс-шараның мақсаты – барлық студенттерді студенттік клубтармен таныстыру және студенттерге 2022-2023 оқу жылдарына арналған клубтарға жазылуға мүмкіндік беру.
Университет қабырғасындағы біріккен жастар қауымдастығындағы Open Air форматындағы жәрмеңке көрмесінде «New Voice» студиясының вокалистері әсем әуендерін, мың бұралған билерін тарту етсе, «Жайдарман-2022» КВН командалары қызықты әзілдерін ортаға салды.
Сондай-ақ ҚР мәдениет қайраткері Құдайберген Насыровтың жетекшілігімен құрылып, 14 жылдан бері жұмыс істеп келе жатқан «Жауқазын» студенттік жастар театр студиясының талантты жастарының «Бақыт деген...» қойылымын білім алушылар сүйсініп тыңдады.
Жәрмеңке барысында студенттерге ыстық тағам мен сусындар тарту етілді.
Жастарға көтеріңкі көңіл-күй мен қызықты уақыт сыйлағандары үшін іс-шараның ұйымдастырушылары ShoqanGlobal мен жастар саясаты департаментіне шын жүректен алғыс білдіреміз!
