12.11.21 жылы «Болашақ сарайында» бокстан Әлем чемпионы атанған Теміртас Жүсіповке арнап өткізілген салтанатты ұлықтау рәсіміне Ш.Уалиханов атындағы КУ ректоры Сырлыбаев Марат Қадырұлы қатысты.
Теміртас жақында Сергия елінің астанасы Белград қаласында өткен ХХІ-ші Әлем чемпионатында 48 келіге дейінгі салмақта шешуші жекпе-жекте тайландтық Вуттичай Юрачайды жеңіп, алтын алқаны алқалаған
болатын.
Былғары қолғап шеберін Ақмола облысының әкімі Ермек Маржықпаев құттықтады:
– Біз Теміртастың ерлігін мақтан тұтамыз! Бұл Ақмола облысының тарихындағы ерлер арасында Әлем чемпионатының тұңғыш алтын медалі! Тәуелсіздігіміздің 30 жылдығына сәйкес келген Теміртастың бұл ерлігі Ақмола облысы ғана емес, бүкіл қазақ жұрты үшін үлкен сыйлық болды! - деп сөзін қорытындылаған облыс басшысы Теміртасқа 5 миллион көлеміндегі сертификат пен Көкшетауда 2 бөлмелі пәтер сыйға тартты. Теміртастың ұстазы – Қуанышпай Кокушевтің де еңбегі ерекше бағаланып, ақшалай сертификат табысталды.
