27 желтоқсан 2021 жылы Ш.Уалиханов атындағы Көкшетау университетінде дүниежүзілік студенттер күніне орай «Шоқан жұлдыздары» фестивалі өтті.
Фестивалдің мақсаты – білім нәрімен сусындай жүре, қоғамдық-мәдени, спорттық іс-шараларға белсене қатысып, университетіміздің мәртебесін көтеріп жүрген студенттеріміздің еңбектерін бағалау, марапаттау.
Салтанатты рәсімде Ш.Уалиханов атындағы Көкшетау университетінің әлеуметтік-мәдени даму жөніндегі проректоры Байтук Ғалым Симбекұлы, интернационаландыру және инфрақұрылымдық даму жөніндегі проректоры Сағындықова Жайлагүл Оралқызы; академиялық мәселелер жөніндегі проректор Мемешов Сансызбай Қойшыбайұлы құттықтау сөз сөйледі.
Рәсімде университеттің қоғамдық-мәдени, спорттық саладағы белсенді, халықаралық, республикалық сайыстарда жүлделі орын иеленген 15 студенті марапатталды.
Атап айтсақ, «психология» мамандығының 4 курс студенті Ирина Просандеева; «тарих-дінтану» мамандығының 4 курс студенті Балнұр Қарасай; «тау ісі» мамандығының 4 курс студенті Нұржан Смагулов; көпсалалы колледждің 4 курс студенті Меруерт Жеңісова; «дене шынықтыру және спорт» мамандығының 4 курс студенті Александр Сахнов; «экология» мамандығының 4 курс студенті Тамила Жабасова; «биотехнология» мамандығының 4 курс студенті Нұрбек Жұмахмет; «география» мамандығының 4 курс студенті Николай Грозовский; «мал шаруашылығы өнімдерін өндіру технологиясы» мамандығының 4 курс студенті Аружан Мұғжан; «шет тілі: екі шетел тілі» мамандығының 4 курс студенті Екатерина Прибылых; «қазақ тілі және әдебиеті» мамандығының 4 курс студенті Аяулым Күлжанова арнайы марапатталды.
Сонымен қатар, «биотехнология» мамандығының 4 курс студенті Фариза Тілеуберген; көпсалалы колледждің 4 курс студенті Әсем Дүйсенбекова; «филология» мамандығының 4 курс студенті Ұлан Зейнелқабден; «заңтану» мамандығының 4 курс студенті Маржан Ирмашева; «есеп және аудит» мамандығының 4 курс студенті Танзила Евлоева; «экология» мамандығының 4 курс студенті Анель Дүсембаева; «экономика» мамандығының 4 курс студенті Әсет Қосжанов; жеңелдетілген оқудың «қазақ тілі мен әдебиеті» мамандығының 3 курс студенті Арайгүл Шахтай; «заңтану» мамандығының 4 курс студенті Алтынбек Арапов үздіктер қатарынан табылды.
Сондай-ақ, «есептеу техникасы және бағдарламалық қамтамасыз ету» мамандығының 4 курс студенті Ерден Тасжанов; «химия-биология» мамандығының 4 курс студенті Мадина Бекбулат; «заңтану» мамандығының 4 курс студенті Шыңғыс Балтабаев; «тау-кен ісі» мамандығының 4 курс студенті Кристина Сумина; «биология» мамандығының 4 курс студенті Оразкүл Елемес салтанатты түрде марапатталды.
Жиын соңы концерттік бағдарламаға ұласты.
