«ESG: Environmental Aspect» Халықаралық семинары

2025 жылғы 9-12 қыркүйек аралығында Қазақстан Республикасы Президенті жанындағы Мемлекеттік басқару академиясының базасында Астана қаласында Erasmus+ CBHE ESGCA жобасы аясында «ESG: Environmental Aspect» халықаралық семинары өтті. Семинар экологиялық тұрақты даму аспектілеріне және ESG принциптерін оқу бағдарламаларына және іскерлік практикаға енгізуге арналған. Семинарға Қазақстан, Италия, Қырғызстан, Өзбекстан, Тәжікстан, Түрікменстан, Румыния және Словакиядан университеттердің және серіктестердің өкілдері қатысты.

Бұл маңызды форум аясында Көкшетау қаласының Ш. Уәлиханов атындағы университетінің өкілдері — «Таулы істер, құрылыс және экология» кафедрасының аға оқытушысы Какабаев Ануарбек Аязбаевич және ESGCA жобасының жергілікті координаторы Утегенова Жұлдыз Сайрановна климаттың өзгеруі, көміртегі іздері, табиғи ресурстарды басқару, тұрақты даму сияқты семинардың негізгі тақырыптарын талқылауға қатысты.

Халықаралық семинарда Еуропаның жетекші мамандары сөз сөйледі. Олар компаниялардың тұрақтылығы мен экологиялық жауапкершілігін бағалаудың озық әдістемелерін бөлісті, халықаралық стандарттар мен «жасыл» бизнес-модельдерді енгізудің сәтті мысалдарын таныстырды. Бұл жоба өңірдегі экологиялық білімді жаңғыртуға бағытталған және университеттер, бизнес пен мемлекеттік органдар арасындағы тиімді ынтымақтастықты дамытуға ықпал етеді.

Біздің университеттің өкілдерінің ESGCA жобасына қатысуы экологиялық білім беру және тұрақты даму саласындағы университеттің біліктілік орталығы ретіндегі орнын нығайтады. Біз алған білім мен орнатылған халықаралық байланыстар заманауи стандарттарды енгізуге және өңіріміздің тұрақты болашағын құруға дайын экологиялық жауапты мамандарды дайындауға мүмкіндік беретініне сенімдіміз.