Душанбеде ESGCA халықаралық семинары басталды

2025 жылғы 8 желтоқсанда Тәжік ұлттық университетінің базасында «ESG: Risk Management» атты халықаралық семинар өз жұмысын бастады. Семинар ESGCA — “Bridging Environmental Concerns, Societal Needs, and Good Governance in Central Asian Education and Employment Sectors” жобасы аясында өткізілуде.

Семинар қатысушыларын Тәжік ұлттық университетінің ректоры, профессор Эмомали Насриддинзода құттықтап, Орталық Азия елдері мен еуропалық серіктестер арасындағы ынтымақтастықты нығайтудың маңыздылығын атап өтті. Іс-шара аясында қонақтар үшін университеттің оқу корпустары, дәрісханалары мен зертханаларын қамтыған таныстыру экскурсиясы ұйымдастырылды.

Бес күн бойы семинар қатысушылары экологиялық, әлеуметтік және корпоративтік басқару (ESG) саласындағы өзекті мәселелерді талқылайды, соның ішінде:

• ESG тәуекелдерінің типологиясы және оларды басқарудағы еуропалық тәжірибелер;
• тәуекелдерді бағалау және төмендету құралдары;
• тұрақты басқарудағы ашықтық пен сенім мәселелері;
• ESG қағидаттарын инвестициялық шешімдерге енгізу;
• ESG-нің құқықтық, әлеуметтік, қаржылық және институционалдық аспектілері.

Семинар академиялық орта, бизнес және мемлекеттік органдар өкілдерін біріктіріп, кәсіби диалог, тәжірибе алмасу және өңірдің тұрақты дамуының болашағын талқылауға арналған алаң қалыптастырады. Іс-шараның қорытындысы ретінде дөңгелек үстел өткізіліп, құрылатын ESG орталықтары үшін бірлескен ұсынымдар әзірленеді.

ESGCA жобасы Еуропалық Одақтың Erasmus+ бағдарламасы шеңберінде қаржыландырылып, экологиялық білім беруді жаңғыртуға, сондай-ақ Орталық Азия елдері үшін ESG бағытында жаңа магистрлік білім беру бағдарламасын әзірлеуге бағытталған.