2025 жылғы 10 желтоқсанда Астана қаласында Esil University базасында Қазақстандағы Erasmus+...

2025 жылғы 10 желтоқсанда Астана қаласында Esil University базасында Қазақстандағы Erasmus+ бағдарламасының Ақпараттық күні өтті. Бұл іс-шара халықаралық білім беру жобаларын іске асыруға және дамытуға белсенді қатысатын жоғары оқу орындарының өкілдерін, зерттеушілерді және әкімшілік қызметкерлерді біріктірген маңызды алаң болды.

Ақпараттық күн аясында Esil University Erasmus+ бағдарламасының табысты жобаларын таныстыру үшін көрме алаңын ұсынды. Осы алаңда Ш. Уәлиханов атындағы Көкшетау университетінің командасы Erasmus+ аясында жүзеге асырылып жатқан жобаларды, соның ішінде келесі жобаны таныстырды:

– ERASMUS+ /KA2/ CBHE 101129169 CirculEC — «Циркулярлық экономика және тұрақты даму бойынша инновациялық білім беру бағдарламасы мен модульдерін әзірлеу».

Уәлиханов университетінің көрмесі іс-шараға қатысушылардың зор қызығушылығын тудырды. Қатысушылар жобаның тақырыбына, мақсаттары мен қол жеткізілген нәтижелеріне, сондай-ақ циркулярлық экономиканың қағидаттарын білім беру бағдарламаларына енгізудің практикалық тәсілдеріне ерекше назар аударды. Жоба ресурстарды ұтымды пайдалану, экологиялық жүктемені азайту және студенттерде циркулярлық экономика саласындағы заманауи құзыреттерді қалыптастыруға бағытталған тұрақты даму моделіне көшудің өзектілігін көрсетті.