«ҚАЛА ЭКОЛОГИЯСЫ» ТАҚЫРЫБЫ БОЙЫНША БІЛІКТІЛІКТІ АРТТЫРУ КУРСТАРЫНЫҢ СӘТТІ АЯҚТАЛУЫ

2025 жылғы 17 қараша мен 5 желтоқсан аралығында Ш. Уәлиханов атындағы Көкшетау университетінің базасында «CirculEC – Айналмалы экономика және тұрақты даму саласында инновациялық оқу бағдарламалары мен модульдерін әзірлеу» халықаралық жобасы аясында «Қала экологиясы» тақырыбындағы 72 сағаттық оқыту бағдарламасы сәтті өтті.Дәрістер мен тәжірибелік сабақтарды Какабаев Ануарбек Аязбайұлы, биология ғылымдарының кандидаты, қауымдастырылған профессор жүргізді.

Бағдарламаның негізгі мақсаты:

✔ қалалардың экологиялық тұрақтылығы саласындағы құзыреттерді дамыту;

✔ табиғи ресурстарды басқару және қалалық ортаға циклдік экономика қағидаттарын енгізу;

✔ экологиялық мониторингтің заманауи әдістерін, қалалық экожүйелерді талдауды меңгеру;

✔ қалалық аумақтардың экологиялық жағдайын бағалау және жақсарту бойынша практикалық дағдыларды қалыптастыру.

Қатысушылар бағдарламаны сәтті аяқтап, тұрақты қалалық даму саласындағы кәсіби білімдері мен дағдыларын растайтын сертификаттарға ие болды.

Барлық қатысушыларды оқытудың сәтті аяқталуымен құттықтаймыз және қалалардың тұрақты болашағы жолындағы кәсіби қызметтеріне табыс тілейміз!