2024 жылғы 19 желтоқсанда Жоғары медицина мектебінде Erasmus+ бағдарламасының LMQS жобасымен және 6В10102 «Қоғамдық денсаулық сақтау» білім беру бағдарламасын жүзеге асырумен танысуға арналған ақпараттық сессия өтті. Кездесуге Жоғары медицина мектебінің профессорлық-оқытушылық құрамы мен үшінші курс студенттері қатысты.
Сессия барысында Ресей, Қазақстан және Әзірбайжан елдерінде ашық және қашықтықтан оқыту шеңберінде денсаулық сақтаудағы стратегиялық менеджмент және тәуекелдерді басқару саласындағы бакалавриат пен магистр дәрежесін кәсібилендіруге бағытталған Эразмус+ жобасы бойынша ақпарат ұсынылды (15.01.2021 – 14.01. 2025). Білім берудің инновациялық тәсілдерін енгізу, сапа мен тәуекелдерді басқару дағдыларын дамыту, денсаулық сақтау саласындағы мамандардың бәсекеге қабілеттілігін арттыру басты назарда.
6В10102 «Қоғамдық денсаулық сақтау» бағдарламасы денсаулық сақтау саласындағы менеджмент, сапа және тәуекелдерді басқару саласында білімі мен дағдылары бар, сондай-ақ халықтың денсаулығын сақтау және нығайту бойынша инновациялық медициналық-әлеуметтік шараларды әзірлеуге қабілетті мамандарды даярлауға бағытталған.
Сессия пәнаралық ынтымақтастық арқылы тұрақты және тиімді білім беруді дамытуға ықпал ететін LMQS жобасының мысалын пайдалана отырып, Erasmus+ бірлесіп қаржыландыратын білім беру бағдарламаларының негізгі нәтижелері мен перспективаларын талқылауға мүмкіндік берді.
