Екатерина Базилевская, PhD, Пенсильвания мемлекеттік университетінің агрохимия және биогеохимия саласындағы доцент-зерттеушісі шетелдік ғалымдармен ынтымақтастық аясында біздің университетке келді. Ол бірнеше маңызды ғылыми жобалардың қатысушысы болып табылады, соның ішінде органикалық қоспалардың қалалық топырақтағы қорғасынның биожетімділігіне әсерін зерттеу және күн панельдерінің топырақ денсаулығына әсерін зерттеу.2024 жылдың 15 қыркүйегі мен 4 қазаны аралығында доктор Базилевская Шоқан Уәлиханов атындағы Көкшетау университетінде болды. Сапар барысында ол Ақмола облысының топырақтарына зерттеу жүргізіп, ауыл шаруашылығы және биоресурстар кафедрасымен белсенді жұмыс істеді. Ауыр металдардың құрамын талдау үшін топырақ сынамалары алынды және аймақтағы қара топырақ деректері зерттелді, бұл топырақтың деградация динамикасын тереңірек түсінуге көмектесті. Сонымен қатар, доктор Базилевская студенттерге рентген-флуоресцентті анализатормен (XRF) жұмыс істеу әдістерін үйретті және топырақтағы микроэлементтердің құрамын талдау бойынша практикалық сабақтар өткізді.
Ол сондай-ақ күнбағыстың әртүрлі будандарын зерттеу және олардың жергілікті жағдайларға бейімделуі үшін тәжірибелі ауылшаруашылық алқаптарына барды. Бұл деректер өнімділікті одан әрі жақсарту үшін пайдаланылады.Сапар қазақстандық әріптестерімен бірлесіп ғылыми мақаланы жариялауға сәтті дайындықпен аяқталды.
Бұл сапар халықаралық ғылыми ынтымақтастықты нығайтып, аймақтың топырағын зерттеуге айтарлықтай үлес қосты.
