2023 жылдың 09-10 қазан аралығында университет қызметкерлері Көкшетау қаласының ТЖ басқармасымен бірлесіп, "Ш. Уәлиханов атындағы Көкшетау университеті" КЕАҚ жатақханаларының объектілерінде "Өрт және ТЖ жағдайында жүріс-тұрыс ережелері, сондай-ақ терроризм қаупі" атты өрт қауіпсіздігі бойынша оқу-жаттығу іс-шараларын өткізді.
Іс-шара барысында Көкшетау қаласының ТЖБ инженерлері студенттерді өрт қауіпсіздігі ережелерімен, өрт және ТЖ кезіндегі іс-қимыл алгоритмімен таныстырды. Университеттің азаматтық қорғау және қауіпсіздік қызметі қызметкерлері студенттер арасында террористік шабуыл қаупі төнген жағдайда өзін қалай ұстау керектігі туралы оқыту жүргізді.Практикалық сабақтарда студенттер шұғыл эвакуациялау және алғашқы өрт сөндіру құралдарымен (өрт сөндіргіш) өрт сөндіру жағдайында студенттің іс-әрекеті бойынша оқудан өтті. ТЖБ инженерлері осы іс-шараға қатысушыларға өрт қауіпсіздігі ережелері туралы жадынамалар мен буклеттер таратты.
