2024 жылдың 20-24 қарашасы аралығында Италияның астанасы Римде Халықаралық Fibonacci International Robot Olympiad робототехника олимпиадасы өтті. Бұл жарыста Ш. Уәлиханов атындағы Көкшетау университетінің студенттері әлем чемпионы атанды!

Бұл әлемнің 28 елінен робототехника саласының ең үздік мамандарын жинаған ең ірі жарыстардың бірі. Біздің жеңімпаздар, С.Садуақасов атындағы Агротехникалық институттың 1-курс студенттері:🏆 Жеңіс Дидар Жасұланұлы (6B07301 – BIM ғимараттар және имараттарды жобалау),🏆 Қаппасов Дидар Серікұлы (6B06104 – Ақпараттық жүйелер),🏆 Кәдірбай Нұрәлі Нұрлыбайұлы (6B06104 – Ақпараттық жүйелер).

Команда жетекшісі: Нұржан Ғалиевич Әбілжанов (Бурабай ауданындағы Қызылағаш ауылындағы Абылайхан атындағы мектептің информатика пәнінің мұғалімі).

Бұл команда республикалық іріктеуден өтіп, Түркияның Анталия қаласында өткен Азия чемпионатында үздік нәтиже көрсетіп, Римге жолдама алған еді.