Бүгін Ualikhanov University-де педагогика ғылымдарының докторы, профессор Қайыржан Ғабдуллаұлы Қожабаевты еске алуға арналған халықаралық «Қазіргі математикалық білім: тәжірибе, мәселелер, проблемалар, келешек» атты ғылыми-практикалық конференция, сонымен қатар педагогика ғылымдарының докторы Қайыржан Ғабдуллаұлы Қожабаев атындағы кабинеттің салтанатты ашылуы өтті.
Қайыржан Ғабдуллаұлы біздің ЖОО-нда елу үш жылдан астам жұмыс істеді. Осы жылдар ішінде ол бастаушы оқытушыдан педагогикалық, ғылыми және әкімшілік жұмыстарды үйлестіре отырып, педагогика ғылымдарының докторы, профессор, РАЕ академигі атағына дейін жетті.
Кіріспе сөзді ректордың кеңесшісі А.А.Сейтқасымов және интернационалдандыру және инфрақұрылымдық даму жөніндегі проректор Ж. О. Сағындықова сөйледі.
Конференцияның құрметті қонақтары арасында педагогика ғылымдарының докторы, Омбы мемлекеттік педагогикалық университетінің профессоры В. А. Далингер, педагогика ғылымдарының докторы, И.Жансүгіров атындағы Жетісу университетінің профессоры Смағұлов Е.Ж, PhD докторы, білім беру саласындағы сарапшы (Эдинбург, Шотландия) Роберт Дуглас Сэм, PhD докторы, мұғалімдерді даярлау институты, Raja Melewar, (Серембан қ., Малайзия) Хасан Абдулла, техника ғылымдарының докторы, Ш. Уәлиханов атындағы Көкшетау университетінің профессоры Байшағиров Х.Ж, п.ғ.к қауымдастығының профессоры, Ш. Уәлиханов атындағы Көкшетау университетінің математика, физика және информатика кафедрасының меңгерушісі С.К. Дамекова, PhD докторы, Көкшетау қаласындағы физика-математикалық бағыттағы Назарбаев Зияткерлік мектебі директорының ғылыми-әдістемелік жұмыс жөніндегі орынбасары Зыкрина С.Ж.
