Ш. Уәлиханов атындағы Көкшетау университетінде Ақмола облысының Төтенше жағдайлар департаментімен ынтымақтастық туралы Меморандумға қол қою рәсімі өтті. Іс-шараға университеттің әлеуметтік-мәдени даму жөніндегі проректоры Қапышев А.К., Ақмола облысы ТЖД бастығының орынбасары, азаматтық қорғау полковнигі Валишанов Р.Е., сондай-ақ ТЖД, Мансап және жұмысқа орналастыру орталығының қызметкерлері қатысты. Меморандум аясында тараптар келесі бағыттар бойынша өзара іс-қимылды көздейді: - студенттердің тәжірибеден өтуі мен тағылымдамаларын ұйымдастыру;
- мансаптық іс-шараларды (диалог алаңдары, бос жұмыс орындары жәрмеңкелері, жұмыс берушілердің таныстырылымдары және т.б.) бірлесіп өткізу;
- университет студенттеріне арналған өндірістік және өзге де тәжірибе түрлерін ұйымдастыру;
- студенттер мен түлектердің жұмысқа орналасуына қолдау көрсету.
Университет басшылығы кадрларды даярлау саласында тиімді әрі нәтижелі ынтымақтастық орнайды деген сенім білдіреді.
