Барановская Наталья Владимировна

Барановская Наталья Владимировна, биология ғылымдарының докторы, профессор, Ш.Уәлиханов атындағы Көкшетау университетінің құрметті профессоры.

Қазіргі кезде Барановская Наталья Владимировна Томск политехникалық университетінің Ғылыми-зерттеу бөліміндегі Жер ресурстары инженериясы мектебінің Геология кафедрасында профессор болып қызмет атқарады.

Қысқаша биографиялық мәлімет

1970 жылғы 9 наурызда Томск облысының Зырянское ауылында дүниеге келді. Тұрмысқа шыққан, бір баласы бар. 1977–1987 жылдар аралығында Томск облысындағы Сайга ауылында орта мектепте оқыды. 1987 жылы Томск қаласындағы Сібір мемлекеттік медицина университетіне оқуға түсті, 1990 жылға дейін оқыды. Кейін Томск мемлекеттік педагогикалық университетінде (1990–1991) білімін жалғастырып, 1991–1996 жылдары Новосибирск мемлекеттік педагогикалық университетінде оқыды. 1999 жылы Томск политехникалық университетінің "Геоэкология" мамандығына аспирантураға түсті. 2003 жылдың желтоқсанында "Биологиялық материалдардың элементтік құрамы және оны антропогендік өзгерген аймақтарды анықтауда пайдалану (Томск облысының оңтүстік бөлігінің мысалында)" тақырыбында кандидаттық диссертациясын сәтті қорғады. 2010 жылы доцент ғылыми атағын алды. 2012 жылдың қазан айында "Табиғи және антропогендік экожүйелерде химиялық элементтердің тірі организмдерде жинақталу және таралу заңдылықтары" тақырыбында докторлық диссертациясын қорғады. 2002 жылы Мәскеуде "Адамзаттың тұрақты дамуы" бағдарламасы бойынша курстардан өтіп, сертификат алған. 2005 жылы АҚШ-та "Open World" бағдарламасының түлегі болып, сертификат алды. 2007–2010 жылдары Париж Зюд университетінен (Франция) қос диплом бағдарламасы бойынша курстар өткізу құқығы мен тағылымдамаларға қатысу сертификаттарын алды. 2005–2007 жылдары Томск политехникалық университетінен неміс және ағылшын тілдерінде 2 деңгейлі сертификаттар алды. 2010 жылы Томск облысының білім, ғылым, денсаулық сақтау және мәдениет салаларындағы конкурсының лауреаты атанды, ал 2011 жылы Росгео сыйлығын алды. Кәсіби қызметін 1991 жылы Томск облысындағы Четь ауылындағы мектепте биология және экология пәнінің мұғалімі ретінде бастады, 1999 жылға дейін жұмыс істеді. 2001–2002 жылдары Томск политехникалық университетінің пайдалы қазбалар мен сирек элементтердің геохимиясы кафедрасының ассистенті болып жұмыс істеді. 2002–2004 жылдары осы университеттің геоэкология және геохимия кафедрасының аға оқытушысы болды. 2004–2012 жылдары осы кафедраның доценті болып қызмет атқарды. 2012 жылдан бастап - осы кафедраның профессоры. Патентке ие, сондай-ақ Білім және ғылым министрлігі, РФФИ (Ресейдің Фундаменталды Ғылыми Зерттеулер Қоры) гранттарының жетекшісі әрі қатысушысы, 2011–2013 жылдар аралығында ФЦП (Федералдық мақсатты бағдарлама) жетекшісі болды.

Марапаттар мен ынталандырулар: Барановская Наталья Владимировна алған ғылыми марапаттары: Ресей Федерациясының Білім министрлігінің Алғысы; РОСГЕО сыйлығының лауреаты; Томск қаласының Киров ауданы әкімшілігінің Құрмет грамотасы; Ресей Федерациясының Табиғи ресурстар және экология министрлігінің Құрмет грамотасы; Ковальский В.В. медалі; Ковальский В.В. атындағы Биохимиялық оқулардың ұйымдастыру комитетінің Ресей Ғылым академиясының В.И. Вернадский атындағы Геохимия және аналитикалық химия институтындағы биохимия және геохимиялық экологияны дамытуға қосқан негізгі үлесі үшін алғыс хат; Томск облысы әкімшілігінің Құрмет грамотасы; «Томск облысына 75 жыл» мерейтойлық белгісі; ТПУ дамуына қосқан үлесі үшін II дәрежелі медаль мен диплом; «ТПУ-ға 25 жыл» естелік медалі; ТПУ Құрмет галереясы; «Геоэкология» мамандығы бойынша профессор ғылыми атағы берілді.

Жарияланған жұмыстарының саны 160-тан асады, оның ішінде 56 мақала Ресей және шетелдік журналдарда жарияланған, соның 34-і соңғы 3 жылда. Жұмыстары Ресейдің Фундаменталды Ғылыми Зерттеулер Қоры, Білім министрлігі және Ресейдің Ғылыми қоры гранттарымен қаржыландырылған. Ғылыми жетекшілігімен 10 кандидаттық диссертация мен 1 докторлық диссертация қорғалған, соның ішінде қосарланған жетекшілікпен (Франция, Қазақстан). Қазіргі уақытта 6 аспирантқа "Геоэкология" мамандығы бойынша жетекшілік етеді.

Барановская Наталья Владимировна келесі оқу курстарының бағдарламаларын әзірлеген: «Жалпы экология», «Геоурбанистика және халық географиясы», «Геохимия», «Табиғи орталарды геохимиялық мониторингілеу», «Кәсіби шет тілі», «Медициналық геология», «Тірі ағзалардың геохимиясы», «Экология және табиғи ресурстарды пайдаланудың заманауи мәселелері».Ол Томск политехникалық университетінің бакалавриат және магистратура бағдарламалары бойынша дипломдық және курстық жобаларға ғылыми жетекшілік етеді. Сонымен қатар, ТПУ мен Франция арасындағы қос диплом бағдарламасы аясында, сондай-ақ Қытай, Вьетнам, Моңғолия және Қазақстаннан келген шетелдік студенттердің де ғылыми жетекшісі болып табылады.