Жоғары оқу орнына дейінгі дайындық

Дайындық бөлімінің мақсаты:

- дайындық бөлімінің тыңдаушыларының келешекте Қазақстан Республикасының жоғары оқу орындарына түсу үшін ұлттық бірыңғай тестілеуге дайындауда сапалы білім беру қызметін қамтамасыз ету.

Дайындық бөлімінің міндеттері:

- Жоғары оқу орнына түсу және үш тілде білім алу мүмкіндігіне ие болу үшін (қазақ, орыс, ағылшын), тілдік дайындық деңгейін арттыру;

- Қазақстан Республикасының азаматы болып табылмайтын ұлты қазақ өкілдеріне жалпы білім беретін дайындықтан өткізу,жоғары және кәсіби оқу орындарына түсуге қажетті жағдай жасау;

Тыңдаушыларды ұйымдастыру және тәрбие жұмысын жүргізу, оларды жергілікті өмір салтпен, әдет-ғұрыппен,әр түрлі халықтардың мәдениетімен, білім беру мекемесінің ішкі ережесімен, ҚР заңдарымен және нормативті актілерімен таныстыру.

Дайындық бөліміне қабылдау тәртібі:

- Қазақстан Республикасының азаматтарының білім деңгейін тексеру үшін офлайн тест жұмысы алынады.Міндетті пән- ағылшын тілі, қосымша 1 пән (физика, математика, химия, биология) таңдау арқылы тест жұмыстары алынады.

- Қазақстан Республикасының азаматтары болып табылмайтын ұлты қазақ талапкерлерден бейне сұхбат ( сұхбат) алынады.

Дайындық бөліміне түсу үшін Қазақстан Республикасының азаматтары мынадай құжаттарды ұсынады:

1) электрондық немесе қағаз түрінде қабылдау туралы еркін нысандағы өтініш;

2) жеке басын куәландыратын құжаттың электрондық көшірмесі немесе қағаз нұсқасы;

3) жалпы орта (жалпы орта), кәсіптік бастауыш (техникалық және кәсіптік), кәсіптік орта (орта білімнен кейінгі) білім туралы құжаттың және оған қосымшаның электрондық көшірмесі немесе қағаз нұсқасы;

4) "Денсаулық сақтау саласындағы есепке алу құжаттамасының нысандарын бекіту туралы" Қазақстан Республикасы Денсаулық сақтау министрінің міндетін атқарушының 2020 жылғы 30 қазандағы № ҚР ДСМ-175/2020 бұйрығымен (Нормативтік құқықтық актілерді мемлекеттік тіркеу тізілімінде № 21579 болып тіркелген) бекітілген 075/у нысаны бойынша медициналық анықтама.

Шетелдіктер, Қазақстан Республикасының азаматы болып табылмайтын ұлты қазақ адамдар және Қазақстан Республикасында тұрақты тұратын азаматтығы жоқ адамдар мынадай құжаттарды ұсынады:

1. электрондық немесе қағаз түрінде қабылдау туралы еркін нысандағы өтініш;
2. жеке басын куәландыратын құжаттың электрондық көшірмесі немесе қағаз нұсқасы;
3. білім туралы құжаттың және оған қосымшаның электрондық көшірмесі немесе қағаз нұсқасы және мөрдің аудармасын қоса алғанда, нотариат куәландырған сканерленген аудармасы (егер құжат толығымен шет тілінде болған жағдайда);
4. үміткердің тұрғылықты жерінің ресми денсаулық сақтау органы берген шетелде білім алуға арналған денсаулық жағдайы туралы медициналық анықтама.
5. ұлтын куәландыратын құжаттың электрондық көшірмесі немесе қағаз нұсқасы және мөрдің аудармасын қоса алғанда, нотариат куәландырған сканерленген аудармасы (егер құжат толығымен шет тілінде болған жағдайда).

Тұлғалар оқуға қабылдағаннан кейін Қазақстан Республикасы Ғылым және жоғары білім министрінің 2023 жылғы 12 маусымдағы № 268 бұйрығымен (Нормативтік құқықтық актілерді мемлекеттік тіркеу тізілімінде № 32800 болып тіркелген) бекітілген Білім туралы құжаттарды тану қағидаларына сәйкес шетелдік білім беру ұйымдары берген білім туралы құжаттар тану рәсімінен өтеді.

• Конкурсқа қатысу үшін өтініштерді қабылдау ЖЖОКБҰ арқылы күнтізбелік жылғы 5 тамыз бен 5 қыркүйек аралығында жүргізіледі.
• 10-15 қыркүйек аралығында әр ЖОО қабылдаған ішкі ережеге сәйкес конкурстық негізде қабылдаудан өтеді.
• Дайындық бөлімінің тыңдаушылары қатарына қабылдауды қабылдау комиссиясы 25-28 қыркүйек аралығында өткізеді.
• Сабақ 1 қазаннан басталады.
• Оқыту мерзімі 9 ай

Дайындық бөлімінің тыңдаушыларына жатақхана беріледі, мемлекеттік тапсырыспен түскен тыңдаушылар ай сайын шәкіртақы алып тұрады.

Барлық сұрақтар бойынша

«Ш.Уәлиханов атындағы Көкшетау университеті» КеАҚ, Үздіксіз білім беру Институты:

-байланыс телефоны: 8 (7162) 72 11 10

- мекен-жайы: Ақмола облысы, Көкшетау қ, Абай к.,76, №1 бас ғимаратқа хабарласыңыздар!