6В01 Педагогикалық ғылымдар
Ассистент-педагог
Қазақ, Орыс
15 апта
24 кредит
Қазақстан Республикасының Білім және ғылым министрінің 2009 жылғы 13 шілдедегі № 338 бұйрығы «Педагог лауазымдарының үлгілік біліктілік сипаттамаларын бекіту туралы», Қазақстан Республикасының Білім және ғылым министрінің 2025 жылғы 29 сәуірдегі № 92 бұйрығы «Білім беру ұйымдарындағы психологиялық-педагогикалық сүйемелдеу қызметінің қызметі қағидаларын бекіту туралы» (ҰБШ деңгейі 4)
«Ақмола облысы білім басқармасының Көкшетау қаласы бойынша білім бөлімінің Көкшетау қаласының № 4 жалпы білім беретін мектебі» КММ
Негізгі педагогикалық білім беруді қолдау, оқу процесін ұйымдастыру және ерекше білім беру қажеттіліктері бар балалармен жұмыс істеу саласында құзыреттері бар ассистент-педагогтарды даярлау.
Оқу нәтижелері:
- Педагогиканың озық жетістіктеріне негізделген инклюзивті білім беру саласында білім мен түсінік қабілетін көрсету.
- Ерекше білім беру қажеттіліктері бар балалармен оқу үдерісін ұйымдастыру және сүйемелдеу үшін мінез-құлықты түзету әдістерін пайдалана отырып білімді қолдану.
- Балалардың қажеттіліктерін ескере отырып, педагогикалық жағдайларды бағалау және ғылыми тәсілдер мен этикалық нормалар негізінде шешім қабылдау.
- Педагогтармен, ата-аналармен, балалармен және басқа мамандармен тиімді өзара әрекеттесу, ақпарат, идеялар мен шешімдерді жеткізу.
- Инклюзивті білім берудің жаңа әдістемелерін меңгеру және кәсіби дамуын өз бетінше жалғастыру.
Кәсіби құзыреттер:
- Баланың дербес оқу әрекеті дағдыларын қалыптастырғанға дейін ПМПК ұсынымдарына сәйкес ерекше білім беруге қажеттілігі бар баланы білім беру үдерісінде жеке психологиялық-педагогикалық қолдау көрсетеді.
- Баланың ерекше білім беруге қажеттіліктерін бағалауға, мамандармен бірге тексеруге және жеке оқу жоспарларын, білім беру, дамыту және түзету-дамыту бағдарламаларын әзірлеуге қатысады.
- Ерекше білім беруге қажеттілігі бар балаларға оқу және оқу-танымдық қызмет барысында көмек көрсетеді, олардың бейімделуі мен әлеуметтенуіне жәрдемдеседі.
- Баланың даму динамикасын бақылауды және деректерді жинауды жүзеге асырады, бағдарламаларды меңгеру нәтижелерінің хаттамаларын жүргізеді және мониторинг жүргізу үшін педагогтар мен мамандарға ақпарат ұсынады.
Білім беру қызметі барысында ерекше білім беруге қажеттілігі бар балалардың қауіпсіздігі мен денсаулығын сақтауға жағдай жасайды.
- Белгіленген нысанда есептік құжаттаманы жүргізеді.
