2024 жылдың 3-4 маусымында Шоқан Уәлиханов университетінде «Педагогикалық университетті дамыту - 2024» жобасының жабылу салтанаты өтті. Жабылу салтанатына Өзбекстанның Ташкент қаласы, Ағылшын тілі бағдарламаларының аймақтық басқармасының басшысы Кевин Маккохи, RELO ассистенті Наргиза Нұғыманова, Астанадағы АҚШ елшілігінің ағылшын тілі бағдарламасының үйлестірушісі Ольга Патерова, Ақтөбе, Ақтау, Көкшетау, Қостанай, Қызылорда, Тараз, Шымкент, Орал қалаларынан, Солтүстік Қазақстан, Ақмола, Жамбыл, Түркістан, Қостанай, Қызылорда облыстарынан келген ағылшын тілі мұғалімдері қатысты.
Жобаның мақсаты – жалпы білім беретін мектептер мен колледждердің ағылшын тілі мұғалімдерін ағылшын тілінде білім беру оқу бағдарламаларын әзірлеудің заманауи әдістеріне оқыту арқылы ағылшын тілін оқытуды жаңғырту. Жобаны Қазақстандағы АҚШ Елшілігінің Астана қаласы, Қоғаммен байланыс бөлімі жариялаған конкурс аясында осы жобаны жүзеге асыруға грант ұтып алған ARELTA (Ақмола облысының ағылшын тілі мұғалімдерінің қауымдастығы) басқарады. Жобаға Қазақстанның әртүрлі қалаларынан 300-ден астам ағылшын тілі мұғалімдері қатысты. Жабылу кешінде Қазақстанның әртүрлі қалаларынан келген жоба қатысушылары өздерінің бағдарламалары мен әдістемелік әзірлемелерін ұсынған жобаларды қорғау өтті. Пленарлық отырыста жобаға қатысушылар өз жетістіктерімен бөлісіп, жоба нәтижелерін өз мектептері мен колледждерінде қолданылуы туралы баяндады. https://www.facebook.com/profile.php?id=100086503478514&mibextid=LQQJ4d.
