11-12 сәуірде Бішкек қаласында И.К.Ахунбаев атындағы ҚММА-ның 85 жылдығына орай ұйымдастырылған «Ғылым күндері-2024» ғылыми-тәжірибелік конференциясы, Ш.Уәлиханов атындағы Көкшетау университетінің Жоғары медицина мектебі студенттерінің көрнекті жетістіктерінің алаңына айналды. Медицина ғылымдарының докторы, профессор Игісін Нұрбек Сағынбекұлының жетекшілігімен студенттер жоғары білім деңгейін және медициналық зерттеулерге жаңашыл көзқарас танытты.
1 курс студенті Қожахмет Карина «No2 профилактикалық медицина» секциясы бойынша «Ақмола облысындағы тері меланомасының сырқаттанушылық ерекшеліктері» тақырыбындағы зерттеуімен екінші орынға ие болды.
Бұл ретте 4 курс студенті Иван Шишкин «Ақмола облысындағы жүректің ишемиялық ауруымен сырқаттанушылық динамикасы» зерттеуі үшін «No1 профилактикалық медицина» секциясы бойынша бірінші орынға ие болды.
«Бұл жетістіктер біздің студенттерге жоғары деңгейде білім беріп жатқанымыздың айқын дәлелі», - дейді профессор Игісін Нұрбек Сағынбекұлы. «Біздің студенттер білім алып қана қоймай, оны практикада белсенді түрде қолданады, болашақ медицина саласының дамуына үлес қосады».
Конференцияның бірінші күні бұл шараның академиялық өмір мен медицина қауымы үшін маңыздылығын көрсететін шабыттандыратын баяндамалар мен қызу пікірталастарға толы болды.
Конференция жалғасуда.
