Кафедра тарихы
Ш.Уәлиханов атындағы Көкшетау университетінің Тарих, география және әлуметтік-гуманитарлық ғылымдар кафедрасы 1975 жылдан бері қызмет етіп келе жатқан КОКП тарихы кафедрасының негізінде 1993 жылы құрылды. 1991 жылы Қазақстан Республикасы мемлекеттік тәуелсіздік алғаннан кейін КОКП тарихы кафедрасы Қазақстан тарихы кафедрасы болып қайта құрылды. Кафедраның қалыптасуы мен дамуына бірінші меңгеруші – тарих ғылымдарының докторы, профессор Қадыржан Қабиденұлы Әбуевтің қосқан үлесі зор.
2015 жылы Қазақстан тарихы кафедрасы Отан тарихы және Қазақстан халқы Ассамблеясы кафедрасы болып өзгертілді. 2018 жылдан бастап кафедра атауы Отан тарихы және «Рухани жаңғыру» кафедрасы болып өзгертілді. 2021 жылы Отан тарихы және «Рухани жаңғыру» кафедрасы Жалпы тарих және әлеуметік-гуманитарлық пәндер кафедрасымен біріктіріліп, Қазақстан тарихы және «Рухани жаңғыру» кафедрасы жаңа атауына ие болды. 2023 ж. кафедра меңгерушісі болып тарих ғылымдарының кандидаты, доцент Утегенов Марат Зеннатұлы тағайындалды.
Кафедра университеттің барлық институттары мен мектептерінде Қазақстан тарихы, философия, әлеуметтану, саясаттану курстарын оқытады, сонымен қатар тарих мамандығы бойынша бакалавр, магистр және докторанттар, теология бакалаврларын дайындауға қатысады.
Кафедраның ПОҚ жетекшілігімен т.ғ.к., профессор м.а. Сейтқасымова А.А., т.ғ.к., профессор м.а Бексейітова А.Т., т.ғ.к., доцент Өтегенов М.З., т.ғ.к. доцент Кушпаева А.Б. Ақмола облысының әкімдігі қаржыландырған ғылыми жоба жүзеге асырылды.
Ғылыми жоба атауы: «1920-1950 жылдардағы куғын-сүргінге байланысты ғылыми-зерттеу жұмысы және архивтік құжаттарды саяси құқықтық бағалау»
Жобаны жүзеге асыру уақыты: 12.08.2021 ж. – 01.12.2023 ж.
Аккредиттеу және рейтингтің тәуелсіз агенттігінің (IAAR) АккредиттеуКеңесінің шешімімен 7М02201-Тарих және әлеуметтік-дінтану ғылымдары(магистратура), 8D02201-Тарих (докторантура) білім беру бағдарламалары 5жыл мерзімге аккредитеттелді.
ТЕОЛОГИЯ
