2025 жылдың 4–5 маусымы аралығында “Орталық Азияның білім беру және жұмыспен...
2025 жылдың 4–5 маусымы аралығында “Орталық Азияның білім беру және жұмыспен қамту секторларындағы экологиялық мәселелер, әлеуметтік қажеттіліктер және тиімді басқару арасындағы байланысты нығайту - ESGCA” атты Еуропалық жобаның жергілікті үйлестірушісі Утегенова Жұлдыз Сайранқызы Ш. Уәлиханов атындағы Көкшетау университетінде өткен семинарға қатысты.
Семинар барысында ол университеттің профессор-оқытушылар құрамына ESGCA жобасының негізгі мақсаттары, міндеттері және күтілетін нәтижелері туралы баяндама жасады. Сонымен қатар, бастаманың жүзеге асырылу кезеңдері мен жоспарланған іс-шаралары жөнінде толық ақпарат берілді.
Семинарға қатысушылар:
- Медицина жоғары мектебі
- Бизнес және құқық жоғары мектебі
- Педагогикалық институт
- Агротехникалық институт
Семинарға барлығы 178 адам қатысты. Бұл университеттің оқытушылар құрамының тұрақты даму, тиімді басқару және экологиялық әрі әлеуметтік басымдықтарды білім беру процесіне интеграциялау мәселелеріне ерекше қызығушылығын көрсетеді.