«Түлектеріміз – ұлт руханиятының көшбасшысы» атты форум

Ш. Уәлиханов атындағы Көкшетау университетінде филология және қазақ тілі мен әдебиеті мамандықтарына арналған «Түлектеріміз – ұлт руханиятының көшбасшысы» атты форум өтетіндігін хабардар етеміз.

Бұл іс-шара кафедра түлектерін бір арнаға тоғыстырып, тәжірибе алмасуға, түлектер мен студенттер арасындағы байланыстарды нығайтуға бағытталған. Заманауи өзгерістерге қатысты өзекті мәселелер талқыланып, жаңа көзқарастар ұсынылады. Сондай-ақ табысты түлектер тәжірибесі арқылы болашақ мамандарға бағыт-бағдар беріледі.

Форум аясында:

- түлектердің жетістік жолдары мен кәсіби тәжірибелері ұсынылады;

- қазіргі еңбек нарығындағы филолог мамандардың орны мен рөлі талқыланады;

- студенттер мен түлектер арасында ашық диалог алаңы ұйымдастырылады.

Өту орны мен уақыты:

Көкшетау қ., Абай к., 76

Ш. Уәлиханов ат. КУ бас ғимараты, салтанат залы

2026 жылғы 15 мамыр, сағат 10:00

Қосымша ақпарат үшін:kazfilologia2@mail.ru

Ұйымдастырушы: Қазақ тілі мен әдебиеті кафедрасы.