Кафедра тарихы
Ақмола облысының еңбек нарығының сұранысына сәйкес педагогикалық мамандықтарды дамытудың басты шешімі ретінде «Педагогика және психология» кафедрасының құрамынан бөлек педагогикалық кадрларды даярлау мақсатында жеке құрлымдық «Білім беру технологиясы» кафедрасы ашылды. Кафедраның маман даярлаудағы қызметі 2000 жылдан бастау алады.
Осы уақытта дейін кафедра ұжымын Л.Ф. Пархоменко, Ж.К. Мукутова, п.ғ.к., Б.В.Крамаренко, п.ғ.к., З.К.Конурова-Идрисова Т.Н.Мельникова және т.б. басқарды.
2014-2024 жылдар аралығында "Әлеуметтік және жас ерекшелік педагогикасы" кафедрасын ф.ғ.к., қауымдастырылған профессор А.А. Шаяхметова басқарды. Осы кезеңдерде кафедрада «Ерте даму» оқу-әдістемелік кабинеті, "Балауса" мектепке дейінгі білім беру орталығы, инклюзивті білім беру орталығы ашылды, "KUTEL" халықаралық жобасы аясында бейнестудия арнайы жабдықтармен қамтамасыз етілді.
Қазіргі уақытта кафедраны PhD доктор, қауымдастырылған профессор Г.Г. Жүсіпбекова басқарады.
Профессорлік оқытушылар құрамында бойынша 2 ғылым кандидаты, 3 PhD докторы, 2 Абай атындағы ҚҰУнің докторантура түлегі бар. 7М01201 «Мектепке дейінгі тәрбие мен оқыту педагогикасы» және 7М01301 «Бастауыш білім беру педагогикасы» мамандықтары бойынша педагогика ғылымдарының магистрлері қызмет атқарады.
Кафедра оқытушыларының арасында «Қазақстан Республикасы ЖОО-ның үздік оқытушысы» атағының 2 иегері бар, олар Жүсіпбекова Г.Г., Шаяхметова А.А.
Қазіргі уақытта кафедра болашақ мұғалімдерді бакалавриаттың 5 білім беру бағдарламасы бойынша дайындайды, оның ішінде Дүниежүзілік банк пен Халықаралық білім беру мекемесінің «Мұғалімдердің білім беру әлеуетін күшейту» аясында (2020-2024) жобасы және 2 магистрлік білім беру бағдарламасы әзірленген:
6В01201 Мектепке дейінгі оқыту және тәрбиелеу;
6В01202 Мектепке дейінгі тәрбие (IP);
6В01301 Бастауыш оқытудың педагогикасы мен әдістемесі;
6В01302 Бастауыш білім (IP);
6В01801 Әлеуметтік педагогика, инклюзивті білім беру репетиторы;
7М01201 Мектепке дейінгі тәрбие педагогикасы;
7М01301 Бастауыш білім беру педагогикасы;
