Ш.Уәлиханов атындағы Көкшетау университеті 2014 жылдан бастап «Мәңгілік ел жастары – индустрияға» - «Серпін – 2050» мемлекеттік бағдарламасы аясында кадрлар даярлығын жүзеге асырып келеді.

Бағдарламаның мақсаты - халқы тығыз орналасқан еліміздің оңтүстік аймақтарындағы (Алматы, Жамбыл, Түркістан, Қызылорда, Маңғыстау облыстары) жастарды кадр жетіспеушілігін бастан кешіріп отырған Қазақстанның шығыс, солтүстік және орталық өңірлерінде оқытып, жұмысқа орналастыру.

Уәлиханов атындағы Көкшетау университетінде жыл сайын Алматы, Жамбыл, Түркістан, Қызылорда және Маңғыстау облыстарының жастары (мектеп түлектері) арасында кәсіптік бағдар беру жұмыстарын жүргізу үшін оқытушылар мен қызметкерлер арасынан мобильді топ құрылып, осы елдерге сапар шегеді. Өңірлер мектеп түлектерін оқу орындарының артықшылықтары туралы, оқудың негізгі бағыттары мен білім беру бағдарламалары туралы ақпараттандырады.

Бүгінгі таңда оқу ордасында 23 білім беру бағдарламасы бойынша 1690 студент білім алып жатыр. Оның ішінде:

- Түркістан облысынан – 919 (54,4%) адам, - Қызылорда облысынан – 481 (28,7%), - Жамбыл облысынан – 107 (6,3%), - Алматы облысынан – 62 (3,7%) адам, - Оңтүстік Қазақстан облысынан - 61 (3,6%) адам,- Маңғыстау облысынан - 31 (1,8%) адам, басқалары - 1,5%

2024 жылы бағдарлама шеңберінде 217 студент оқуын бітіріп шықты, 617 білім алушылар кабылданды.

Ағымдағы оқу жылында «Серпін» бағдарламасы аясында 416 түлек оқуын аяқтайды (педагогикалық мамандықтарда – 357 студент, техникалық мамандықтарда – 39, ауыл шаруашылығы мамандықтарында - 20).

Серпін студенттерінің дайындығының жоғары деңгейін атап өту керек: 3 курстың «Шетел тілі» БП 5 студенті Қазақстан Республикасы Президентінің стипендиясының иегерлері: Ахмет Азиза, Есіркеп Назерке, Жолдасбекқызы Аружан, Мырзабекқызы Диана, Тұрлан Аида.

Серпіншілер арасында Республикалық және облыстық олимпиадалардың, конференциялар мен фестивальдердің қатысушылары мен жеңімпаздары бар.

Жоба студенттері университеттің студенттік парламентінің және қызығушылық клубтары («Зияткер» пікірталас клубы, «Шаңырақ» домбыра үйірмесі, «Impulse» би студиясы) мүшелері болып табылады.

2018-2024 жылдар аралығында "Мәңгілік ел жастары - индустрияға" - "Серпін - 2050" жобасы бойынша университетті 1946 түлектері аяқтады. Жұмысқа орналастырылған - 1654 (85,0%) адам. Ақмола облысында 260 (13,4%) адам жұмысқа орналастырылды.

Серпін студенттер жатақханамен қамтамасыз етіліп, жайлы өмір сүру және оқу үшін қажетті жағдай жасалған.

Университетте 5 студенттік жатақхана бар. Жалпы жобалық сыйымдылығы – 1365 орын.

«Серпін-2050» бағдарламасы бойынша білім алып жатқан студенттермен оқу-тәрбие жұмысының сапалы ұйымдастырылуын қадағалайтын үйлестіруші тағайындалды.

Түлектерді тиімді жұмыспен қамту мақсатында университетте «Мансап және жұмыспен қамту орталығы» құрылды.

ҚР БҒМ-нің нұсқау хатына сәйкес осы бағдарлама бойынша білім алып жатқан студенттер оқыту өңірінде кәсіптік практикадан өтеді. Сондай-ақ, Қазақстан Республикасы Үкіметінің 2023 жылғы 4 қыркүйектегі қаулысына № 2 қосымшаға сәйкес, жұмыспен қамту деңгейін арттыру мақсатында аталған бағдарлама бойынша білім алған студенттер республиканың 8 өңірінде жұмысқа орналаса алады:

1. Ақмола облысы
2. Шығыс Қазақстан облысы
3. Павлодар облысы
4. Солтүстік Қазақстан облысы
5. Қарағанды облысы
6. Қостанай облысы
7. Абай облысы
8. Ұлытау облысы
   
   

Оқу бітіруші түлектің жұмысқа орналасу туралы білім беру ұйымы, жұмыс беруші және білім алушы арасында жасалған үш жақты шартқа сәйкес жүзеге асырылады.

Жас мамандарды мекемелерге бөлу, жұмысқа жіберу және жұмысқа орналастыру білім беру ұйымының жолдамасына сәйкес жергілікті атқару органдарымен жүзеге асырылады.

«Серпін» әлеуметтік жобасы бойынша университетімізде сапалы білім алуларына барлық қажетті жағдайлар жасалған.